News

ఎంత సమర్థంగా పనిచేశామన్నదే ముఖ్యం


ఏపీ ముఖ్యమంత్రి చంద్రబాబు నాయుడు ఎన్ని గంటలు పనిచేశామన్నది కాదు...ఎంత సమర్థంగా పనిచేశామన్నదే ముఖ్యమని అన్నారు. శనివారం పారిశుద్ధ్యం, అంటువ్యాధుల నియంత్రణపై బాబు టెలికాన్ఫరెన్స్ నిర్వహించారు. ఆలోచనలు, కార్యాచరణ స్వచ్ఛంగా ఉండాలని, వాటిని స్వచ్ఛందంగా అమలు చేయాలని సూచించారు. అప్పుడే స్వచ్ఛ ఆంధ్రప్రదేశ్, స్వచ్చ భారత్ సాకారం అవుతుందని తెలిపారు. వనరులు కల్పించి, అన్ని విధాలా ప్రోత్సహించి అవకాశాలు కల్పించినా సామర్థ్యం మెరుగుపడకపోతే నిరుపయోగమన్నారు. పారిశుద్ధ్యం మెరుగు, అంటువ్యాధుల నియంత్రణ బాధ్యత... ఆరోగ్య, మున్సిపల్, పంచాయతీరాజ్ శాఖలదేనని తేల్చిచెప్పారు. 2017 మార్చికల్లా రాష్ట్రంలో 3వేల పంచాయతీలు ఓడీఎఫ్ కావాలని ఆదేశించారు. దోమలపై దండయాత్ర కార్యక్రమాన్ని మరో రెండు నెలలు పొడిగించాలని అధికారులకు చంద్రబాబు సూచించారు.